茶木‧台式休閒餐廳 (已結業)

听过未去过，今晚有机会一试。晚上接近 9 点，客人不多 (只坐了全店的一半)，所以唔驶取票等位。由于十五食斋，睇匀全个餐牌得 2 款 "叫做" 可以食，就系呀麻葱油面 ($71)，同埋黑松露白汁忌廉扁意粉 ($75)。餐牌上面有图，见前者碗面上面有一堆白色长条形东东，似系白云凤爪或牛柏叶的东西。后者个意粉应该有烟肉......谂了一谂，既然两款都系 "一剔一点"，但前者都要 $71 的话，咁我宁愿叫个意粉好似抵 D。卖相几 OK，但味道方面......成个意粉冇乜味，既冇黑松露的鲜中带腥，又冇忌廉汁的浓厚。不过杯黑糖珍珠奶茶几好饮，调得好匀 (唔会似奶精或用粉沟开咁)，饮到尾都好浓郁，唔会因为系冻饮而冰淡了。D 珍珠粒粒分明，大细适中又烟韧！唔似街边加盟 / 连锁店那样会结缠在一起，或有 D 太硬难咬，太稔唔够圆润而黐牙。