老點點心竹筒飯 (已結業)

无论系传统点心定新派点心我都好中意食，平日耐唔耐就会同友人去饮下茶享受下中式既悠闲。呢日去到旺角，我地就去左系旺角染布房街既老点点心竹筒饭，贪佢有好多新式点心。一去到条街就见到好多人系门口等紧，而排系我地前面有5张飞。虽然系5张飞，但可能餐厅地方唔大，我地都等左成40分钟先入到去。一入到去先见到D位同位之间都好迫下，而且我地系4人台，要同人搭台。系攞飞既时候，店员会派埋点心纸，所以我地一入去已经好快手咁递张点心纸落单。不过可能制作需时，迟过我地坐低既客已经食紧野，我地order既都仲未上。又过了15分钟度，终于有野食啦！呢个烧卖几大粒，而且d虾好新鲜弹牙，又食到黑鱼子既咸香味。鲜上肉向铃肠，一见到个名就觉得好吸引，又鲜又脆咁，一咬真系脆到「索索」声，加埋弹牙虾肉同滑滑既肠粉，口感非常丰富！值得一试！呢款有齐晒我中意既两样野：芝士同蘑菇！而且个挞皮都唔错，3个有2个都系我食左。一上台果阵觉得呢个点心好油腻，唔多吸引。不过友人话好香酒味，叫我快d试下，抱住半信半疑既态度，冒住增肥既危机，我饮左啖，都真系几香既，但唔会太浓，清汤咁。而d云吞就略嫌细粒左少少。最后黎个冰梅猪手饭，猪手酸酸甜甜好