小王牛肉麵 (已結業)

放工到德福广场逛逛，行到咁上下，又到揾食时间，今次拣咗位于二期嘅《小王牛肉面》。店舖面积不大，座位与座位之间相距有点逼。叫咗碗原汁牛筋面 ($56)，大大碗上枱，汤底味道浓郁，我拣咗手切面，烟烟韧韧有咬口，牛筋份量都好足，炆得够腍够入味。另外加咗个台式小食盐酥蚵仔 ($36)，炸好即上，热辣辣好吸引，外脆内软，滋味不俗。唯独是蚝仔太细粒，食落冇蚝味，略为失色。呢度D食物口味较重，食完之后有点口干，所以追加一杯冰冻嘅胚芽珍珠奶茶 (跟餐减$10)，味道唔错。