春禧堂台灣料理餐廳 (已搬遷) 新店位置

食台式食物，款色好齐全，又正宗。用QR code落单，慢慢拣。餐厅布置好靓，座位旁仲有花花墙，想影影相打卡岩晒。 红烧腱心牛肉面。配了三款前菜，酸青瓜，麻辣云耳，芽菜。汤底有唔同选择，拣了麻辣牛肉汤。汤好浓郁，只带了小小辣，直接饮都好好味。腱心片煮到好软腍。配料都切成粗条，更有咬口感，萝卜好甜。 加配了小食凉拌黑醋茄子。虽然是加配，但也有4件，大大件茄子好入味，酱汁调得不错，酸酸地带点甜，够晒开胃。 晚市有小菜点。选了酥炸蚵仔酥，配白饭，够晒台湾风味。蚵仔酥，外皮炸皮香脆够薄，蚵仔软滑肥美。仲有炸一口豆腐粒。好香口，停唔到口。 点了麻辣鸭血 。台湾特色小食，配了卤肉豆腐。鸭血同豆腐都系厚切。鸭血好滑好弹，麻辣味好出，入晒味。台式饮品都有得跟餐点。仙草冻鲜奶，茉莉珍珠奶绿。 估唔到连凤梨酥都有卖。散叫左两件，过下台湾瘾，烟烟韧韧又几正。