雲壽司 (已結業)

近年Omakase非常盛行，但唔想餐餐都食到太贵，其实都有平民化选择嘅～云寿司呢几年开到中环、太子、铜锣湾，方便市区唔同地点嘅食客。刚好喺太子工作完毕，就6点多入餐厅食饭，好彩有位！到左7点就陆陆续续好多人想入来食饭喇。 当晚试左个二人餐 $680 ，简简单单唔驶谂😋真系好唔错喔！ 🍅🥗前菜有超fresh嘅番茄沙律 🦐味噌汤：有落虾须好鲜甜👍🏻 🍣😍寿司6点:上排：辣味带子、日本海胆、火炙左口鱼下排：赤虾、油甘鱼、拖罗每样都好新鲜，最爱拖罗！好肥美油香四溢😉辣味带子用上秘制辣汁，但其实只算微微微辣～ 刺身：牡丹虾、深海池鱼，配埋矶煮鲍鱼，完全感受到返左去日本嘅感觉😍 最后就有两个迷你丼饭：葱吞拿鱼、鳗鱼饭（用料新鲜唔会有腥味，好感动！）食完就刚刚好饱晒～有唔会顶住个胃，食物份量点到即止，呢个就系我欣赏日本菜嘅地方之一。餐厅与时并进，可以静静地用手机落单，当然都可以同店员沟通啦～值得赞赏嘅，系师傅都有偶尔问问食物质素如何，感受到佢地真诚嘅待客之道。😇座位二人一组，适合情侣/想亲密D嘅食客。