等左15至20分鐘左右，入到裏面，座位太約有12個左右，好啦點餐，我點了濃湯極上拉麵，加一碟5隻餃子，同招財貓疏打。
評分 （10分滿分）
濃湯極上拉麵，湯底濃，唔係咸，係比較傑，飲唔出係咩湯底，如果唔鐘意咁傑嘅就叫清湯好d。
8分
筍乾，因為唔記得走筍所以硬食，咁大個仔第一次食筍乾，本身已經唔鐘意個陣味，不過都照食，食落又唔覺咁大味，仲有d爽脆，不過都係唔鐘意食。
5分，因為唔鐘意食
到麵條，麵質唔可以話好好味，可接受范圍，有待改善，唔知係咪煮得耐左，定係因為冇甩麵脫水，所以唔夠彈。
7分
叉燒，滿滿嘅6塊舖滿成個碗，視覺效果一流，有咬口，唔係入口即溶，薄左d,，不過可接受。
8分，有1分係視覺分
半熟蛋就差左少少。
7分
招財貓疏打，飲唔出咩味，有少少甜味，唔係氣水個種甜，清淡一d嘅，可以一試。
8分，一分樽外型
自家製餃子5隻，煎得好靚，外脆內軟，味道唔算凸出，不過可以一試。
8分
平均分7.2分
評語
未試過可以試下，濃湯唔係人人受得，唔夠飽加碟餃子都冇壞，飲綠茶比飲疏打好。
