蠔站 (永昇中心)

营业中

休息中

今次第一次嚟，朋友话这间的生蚝抵食又好食，不过我今日唔打算食蚝，我食set lunch，因为仲要赶住去做嘢。今日set lunch我鐡板大虾伴鱼柳薯菜、热柠茶，餐汤唔知系乜汤，不过几好味，块面包好香香菜味，松软，好正👍🏻主菜👉🏻鐡板大虾伴鱼柳薯菜、黑椒汁大虾其实只系中虾咁大，味道只系咸咸地，肉地系硬，因为油炸所以有啲油。鱼柳肉好软，冇乜味，只系靠点黑椒汁带返啲味出嚟，黑椒汁好咸冇乜黑椒味。薯菜系炸薯角+椰菜，炸薯角好味不过得几粒。椰菜唔掂，好淋⋯太淋😟热柠茶一嚟到我真系唔知点讲！！有barcode！！😨首先，个柠檬系咪开箱后冇洗过直接切片用？！咁即系⋯唔通要同自己讲出街食嘢就预咗污糟？！我同侍应讲，她都好好即刻换过一杯。甜品系朱古力蛋糕仔，不过食咗唔记得影相😅整体可以唔再去都冇损失，不过我都会比次机会佢，下次再嚟。