Häagen-Dazs

营业中

休息中

前排公司抽中一张$50的现金券，一直放著忘了用，近排执野揾返出来发觉就快到期，见今日会出来旺角，便顺便到新世纪广场食杯雪糕。食米唔知米贵，原来雪糕窝夫筒已加到$52一球，是日便点个单球试试。要了蓝莓雪糕、奇异果、朱古力酱、杏仁碎，卖相靓靓，打卡呃like一流雪糕好滑，少少蓝莓味酸酸地咁，奇异果片三个半块，非常酸，哈哈，就系觉得雪糕加朱古力酱会好甜所以要返个酸嘅水果，咁嘅配撘都几好味。窝夫筒几脆，有蛋香，系好食嘅。总括黎讲成50蚊杯雪糕系贵嘅，间中一次半次奖励下自己ok啦。餐牌好多选择，想食个华丽啲款嘅，不过无位坐，行住食都系甜筒方便。