影片
更多
2007-03-14
11 浏览
上周六计划同好友庆祝生日, 之前刚刚经过云咸街, 觉得呢度有几好feel, 又见到食评话不错, 于是提议来呢度, 点知...先讲下环境:zest分两层, 我地坐系楼上,一上去已经觉得好细(大概坐到30人),不过soho/LKF区好些餐厅都系细细地,都冇乜所谓. 室内设计好简单,昏昏暗暗的, 我地仲见到隔离既外籍客人要用手机照住个menu黎睇...D好细,都唔知有冇呎半阔,加埋D酒杯/餐具等,剩低好少位摆食物.五位朋友陆续来到, 每人都点了一杯drink, 平均$60一杯,0系呢区系0甘上下. 其中有一位朋友只系想要杯水, 唔知系咪个waitress嫌我地唔叫足六杯drink, 杯水在三催四请下先至0黎...食物方面, 可能zest以饮0野为主, menu既选择唔算多, 例如汤得soup of the day 一款, pasta得四款, main dish有7-8款. 我地六个人share食, 叫左: 一人一个soup of the day, 一个salad,一个spaghetti, 一个risotto, 三个main dish, 两个side dish, 同埋三款dessert (我地
先讲下环境:zest分两层, 我地坐系楼上,一上去已经觉得好细(大概坐到30人),不过soho/LKF区好些餐厅都系细细地,都冇乜所谓. 室内设计好简单,昏昏暗暗的, 我地仲见到隔离既外籍客人要用手机照住个menu黎睇...D好细,都唔知有冇呎半阔,加埋D酒杯/餐具等,剩低好少位摆食物.
五位朋友陆续来到, 每人都点了一杯drink, 平均$60一杯,0系呢区系0甘上下. 其中有一位朋友只系想要杯水, 唔知系咪个waitress嫌我地唔叫足六杯drink, 杯水在三催四请下先至0黎...
食物方面, 可能zest以饮0野为主, menu既选择唔算多, 例如汤得soup of the day 一款, pasta得四款, main dish有7-8款. 我地六个人share食, 叫左: 一人一个soup of the day, 一个salad,一个spaghetti, 一个risotto, 三个main dish, 两个side dish, 同埋三款dessert (我地事前要求餐厅送一个complimentary dessert俾生日朋友仔). 食物总体来讲, 味道唔错, 份量偏小, 如果share而要食得饱, 最多只可三个人share一款.
最失望系service, 因为我地坐果层只有一个waitress长驻, 唔知悉咪太忙, 成晚黑面...我地take order时由汤/salad 开始, 佢竟然话"唔得, 要由main course 讲起" (!?). 上菜超慢, 好似要serve完一先一, 轮到我地既时候, 就一次过上晒所有食物, 我谂呢个实在唔应该0系一间正式(非港式)既餐厅出现, 除非客人request 啦...最后order 甜品既时候, 明明menu上写gelato 系$60 三球, 个waitress竟然话系一球, 要我"队"个menu俾佢睇, 佢先话系三球. 问佢有咩味道, 佢又系唔想答, 跟住讲左个外星字, 我同朋友多番追问下, 先知道原来佢指既系咖啡味, 佢仲要觉得我地好似唔识英文0甘反晒眼...
我地total食左$2700左右.我谂系soho/LKF区以这个价钱,有大把同类型既餐厅, 如果系食晚饭,我唔会推荐呢间啰.
张贴