泰胡椒餐廳

营业中

休息中

原本想食韩烧，但系知道只系可以食个半钟至一小时四十五分后，觉得坐一阵就走，就决定去太古城食泰国菜。呢间菜馆帮衬过几次，次次都系叫菠萝炒饭、辣味炒河、去骨凤爪及炸虾饼。今次因为人少就无叫炸虾饼，就叫个酸辣海鲜汤(细)。7:00pm去到，餐厅无乜人，大约7:13pm到齐所有菜，好快。Waiter服务好好，饮汤前先比碗我地，又帮我地拆筷子套。先到去骨凤爪。食去骨凤爪好睇运气，因为一时好多杂菜，一时杂菜较少。今次比较少杂菜，去骨凤爪一向有青柠的酸味，但系今次有点苦味，水准比以前差。酸辣海鲜汤(细)比想像中细好多，菜多海鲜料好少，鱿鱼及鱼肉只系见到各一旧。汤无辣味，只有好酸的味道。下次有机会去食都唔会再叫。辣味炒河一向好钟意食，今次亦keep住水准，唔系太辣，炒得唔错，不过嫌太细碟。最后是原个菠萝炒饭，炒饭落埋鸡肉、提子、葱及杂菜粒。炒饭份量好多，味道不错，又有好多菠萝，鸡肉粒就比较少。四碟计埋加一$220。3+1人食都算系咁。