狂野麻神麻辣火鍋 (已結業)

星期四晚正常都多人出街食饭，因为迟book位，好多间都full咗。但系上到去麻神见到好多吉台，骤眼望好似只得4、5台，都觉得有d唔妥。不过算啦，太钟意麻辣火锅，又好耐冇食，当试吓新嘢啦。叫咗个麻辣+花胶鸡鸳鸯锅，但系麻辣唔辣、亦都唔麻，净系觉得咸，同少少辣，完全唔觉得同麻辣有任何关系 😑。。。花胶鸡就几好味。汤底都系偏咸，煲耐咗就更咸。我哋叫咗几种牛肉、菇啊、菜啊、饺子、台湾老油条，嘢食就 ok 啦正正常常，份量偏少。而老油条我觉得佢炸得太over太油，同埋食落太硬，反而放落汤的就好快散。Service 亦都麻麻，明明铺入面都冇乜客好静，侍应系完全唔忙嘅，但系食食吓就开始一个人都见唔到，有几次想揾侍应时，要大声d 叫人先有侍应行出来，真系好奇怪。食完就明白点解有咁多优惠，个汤底可以买Openrice 优惠卷，like 佢社交平台 就送 500ml sake。𠮶度真系冇乜人，好唔热闹，感觉实在太静喇，都有d 惊，唔会再去。