太吉

营业中

休息中

三不五时就会想食串烧，喺西环嘅太吉居酒屋系我其中一间钟意嘅串烧店！舖头细细几有feel der🧡各种串烧同小食都非常之出色😋特别钟意牛舌 ($70) 同埋白鳝 ($70) 👍🏻食完一次之后成日都心心念念可以返去食多次。酥炸小河虾 ($80) 超级好送酒，食咗一兜其实都唔系好够喉。其实已经去食过几次，今次老板娘仲推荐左烧白饭鱼干 ($45)。从来都未食过几有趣，好食！仲有就系银杏，老板娘话依家正好系食银杏 ($78) 嘅季节。佢嘅做法系用盐焗。打开左粒银杏光泽翠绿，食落去唔会有中国白果𠮶种苦，而系烟烟韧韧。比起出面𠮶啲一串三小粒，我觉得咁样食过瘾啲。我发觉酒盗芝士 ($65) 哩样嘢又系次次去唔同嘅地方叫都会有唔同嘅做法。有时无饼无野送。有时个cream cheese唔好食。有时个酒盗太死咸。而呢度嘅酒盗芝士虽然细细份但系就配搭味道各样嘢都正合我心意。串烧：鸡皮 ($25)、鸡软骨 ($25)、鸡肝 ($35)、牛肋肉 ($50)全部都好好食，特别系鸡软骨。另外，自从嚟过呢度食串烧，我就爱上左佢哋放喺枱面𠮶支有麻油味嘅辣油。