影片
更多
2023-08-27
139 浏览
夜晚放工想揾间西餐厅同朋友坐吓倾吓偈，于是就拣咗旺角区呢间餐厅。餐厅虽然细细间，但系感觉好舒服，店员态度都好好。我哋拣咗窗边位，望出去一啲都唔焗促，唔似喺油尖旺闹市区。餐厅有set Menu ，或者可以散叫都得，我地两个人叫左两个餐，然后加钱转咗两杯沙冰。由于惊太肥，所以嗌咗士多啤梨同埋迷迭香芒果菠萝，谂住有啲生果可以中和下😂迷迭香芒果菠萝个杯好得意，上台之后店员会帮你烧下条迷迭香，等个烟熏味更加出色。整体饮落去唔会俾个迷迭香掩盖左芒果菠萝味，而且都食到有果肉。今晚嘅餐汤系罗宋汤，个汤有几种蔬菜，而且唔会太酸，几开胃。个牛油蒜蓉包好出色，食到好香牛油味，作为前菜啱啱好。朋友叫咗个沙律，啲沙律菜都系新鲜嘅，个汁都系酸酸地。我哋嗌咗个火魔蚬，好似好吸引用嚟打卡一流。店员都会提醒大家可以拍片，个火都比想像中大😂 蚬大概有15只左右，好香嘅蒜蓉同黑椒味，而且仲好细心咁会比多只碗你装食完既壳。个香煎盲𫚧有配薯蓉，整体上份量一个人食啱啱好，个鱼煎得好好，平时我唔够胆食鱼皮，但系佢好香脆哋唔觉意都食埋😂另外个忌廉汁蟹肉意大利饭，份量比想像中大，一个人应该食唔晒。个饭上碟嘅时候系粉红色，好有少女心。个
餐厅有set Menu ，或者可以散叫都得，我地两个人叫左两个餐，然后加钱转咗两杯沙冰。由于惊太肥，所以嗌咗士多啤梨同埋迷迭香芒果菠萝，谂住有啲生果可以中和下😂
迷迭香芒果菠萝个杯好得意，上台之后店员会帮你烧下条迷迭香，等个烟熏味更加出色。整体饮落去唔会俾个迷迭香掩盖左芒果菠萝味，而且都食到有果肉。
今晚嘅餐汤系罗宋汤，个汤有几种蔬菜，而且唔会太酸，几开胃。个牛油蒜蓉包好出色，食到好香牛油味，作为前菜啱啱好。朋友叫咗个沙律，啲沙律菜都系新鲜嘅，个汁都系酸酸地。
我哋嗌咗个火魔蚬，好似好吸引用嚟打卡一流。店员都会提醒大家可以拍片，个火都比想像中大😂 蚬大概有15只左右，好香嘅蒜蓉同黑椒味，而且仲好细心咁会比多只碗你装食完既壳。
个香煎盲𫚧有配薯蓉，整体上份量一个人食啱啱好，个鱼煎得好好，平时我唔够胆食鱼皮，但系佢好香脆哋唔觉意都食埋😂
另外个忌廉汁蟹肉意大利饭，份量比想像中大，一个人应该食唔晒。个饭上碟嘅时候系粉红色，好有少女心。个忌廉汁唔会太咸，意大利饭都煮得啱啱好，唔会太硬，好快就俾我哋两个人清晒啦！
上楼嘅西餐嚟讲，佢啲嘢比起party cafe好食好多，值得再次支持。
张贴
