Lúa (已結業)

心血来潮突然间好想食越南野，咁岩系铜锣湾东角附近见到「Lua」呢间特色越南菜餐厅，比佢红色既墙身吸引住，加上露台位挂满灯笼好似置身系会安古城一样好有feel😍成个view抢眼之余仲好靓, 打卡更加一流👍🏻店内阔落坐得舒服, 整间餐厅充满异国风情Dinner set $248 + 必食既班兰法包$118 🐤前菜 - 酸甜柑桔汁无骨凤爪酸酸甜甜, 只有少许辣味, 非常爽口开胃 🦐小食 - 越南大虾米纸卷大虾好新鲜,入边有檬粉同埋生菜、萝卜丝、青瓜丝配料,加埋烟韧既米纸食落去都几清爽！加埋酸汁一齐食会更开胃 🐮主菜 - 生牛肉杂锦汤河入面有黑柏叶、牛扎肉、牛皮、牛肉丸、牛肋骨、生安格斯牛肉片等多种配料,汤汁鲜美浓郁，不油腻 。黑柏叶爽口弹牙, 牛肉鲜嫩😋熟度岩岩好, 牛扎肉口感比较扎实 🍮甜品 – 越南乌龙茶果冻乌龙茶既茶味唔算浓,配埋d奶盖同菠萝蓉一齐食味道都好夹 🌮班兰布甸法包配自家制椰子雪糕 (需制作约20分钟)佢除左卖相吸引, 咬落去脆卜卜好香口同阵阵班兰味🤤每一啖都好有口感, 真系好好味😋班兰控必试！