陸陸雞煲火鍋 (已結業)

今日同屋企人经过泉章居，见隔离间食肆门口放晒花牌，睇黎系新开张，而且招牌Logo好得意同舖头名好衬所以入去支持下。点左食肆主打既鸡煲，卖相及味道唔错，味道适中唔喊（事关依家香港太多鸡煲店好多d味太咸太麻），妈妈不食得太辣但都赞好味及辣得黎唔系净系好似出面个d劲多辣椒及辣油个d辣。（PS 辣程度仲有分大中小添）适合唔同人既需要。赞！另选左莞茜皮旦做汤底打边炉，个汤好似屋企亚妈煲既汤。冇味精，唔系开水个只。是此点左老板推介既手切牛，封门柳（好似系牛既横隔膜，未试过所以试下），竹生，手打丸。推介既野真系好食，坚系牛有牛味，墨丸有墨鱼碎添。值得赞系食物除左新鲜，上碟卖相都有心思，而且前菜唔系花生等大路野，意然系细细碟既西瓜同橙既生果粒，几健康下。 可能系新开张，用餐时有5枱客但唔嘈，室内环境唔太嘈有啲似去左西餐厅。建议有返啲音乐就更特别。 系个场度招呼客人既侍应好后生，疑似系几个后生仔女朋友档开，新开张食物，服务，招呼等都睇得出有心思，所以一定会再左支持。