美味故事 (已結業)

唔系朋友介绍我都唔知依度有间餐厅, 试完觉得有惊喜有质素, 值得推介下。餐厅CORNER位有个细既STAGE, 旁边系透日光既窗, 环境都几舒适。坐低冇耐店员就送上WELCOME DRINK, 系西瓜冰沙, 天时暑热上到黎真系加分。质感浓稠既蘑菇汤配上刚烘起既蒜蓉包, 仲有温泉蛋蟹籽沙律作为颈盘前菜, 好味又开胃。醉鸡翼煮得入味, 花錭味好香, 特别系个皮位, 又滑又好味。原只去骨春鸡配烟肉酸忌廉焗薯依个系今晚最惊喜既, 原只鸡去左骨已经好正唔洗轮骨,  啖啖厚肉仲要烤得恰到好处, 肉仲系好JUICY好滑, 连鸡胸位都保持到有肉汁, 而且皮位有焦香, 原只鸡要焗得咁好唔容易, 高质! 烟肉酸忌廉焗薯就一定稳阵, 酸忌廉酱整得CREAMY好味。黑松露野菌什菇意粉黑松露味道几出, 亦食到忌廉香, 入口几RICH, 加埋野菌更加香, 份量都几多, 抵食。叫左依度既特饮碟豆花蜜桃, 桃味好香唔会过甜, 朋友叫既抹茶LATTE亦好浓郁, 有水准呀。