甜之密語 (已結業)

早两日喺元朗做完野，食完饭想食甜品，谂住试吓啲新野，唔想又食B仔，食到好鬼闷，见到有间新铺未试过，一于试一试，入到见到好家庭式经营，唔紧要，食野冇所谓，我叫咗个杏仁皇、一个杨枝金露，同事叫咗个四式魔豆配芒果，彩虹天地雪花冰；杏仁皇好香好够杏仁味，唔太甜，杨枝金露芒果好新鲜，汁好香鲜芒果味，咬落芒果肉好口感，软硬适中，拍得住满记，同事个四式魔豆配芒果，佢话成杯芒果茸，好香好味，加埋魔豆，好鬼过瘾又好鬼抵，个彩虹天地雪花冰，卖相ok，冇张相咁靓，有唔同生果配搭，唔太甜，几好！美中不足有好多野想叫冇，门口个柜甜品卖相唔吸引，好似摆咗好耐，但肥事头婆够亲切！