有情有意 (已結業)

多数去睇演唱都会去红磡行下，原来附近个商场都有店铺开仓，呢道算几多嘢食，见到呢间个中文名几得意叫“有情有意“就一于试啦，原来呢一间社企餐厅唻，系推动聋或者弱听人士同健康人士工作嘅餐厅，地方方面都好阔落，仲有人包半边场进行紧活动。呢道Set Lunch都有成十几款，仲有tea set仲可以加$20升级甜品同饮品任饮任食，到我想点餐时，我见到枱面个放糖嘅樽有两个牌，写住点餐同结帐仲有张餐纸有哂我地要用嘅名同形容词，好等我地落单同店员沟通，真系好细心，最后我点左新鲜空运美国安格斯肉眼（8 oz) 伴红酒汁，仲要写明每日限量12份，好彩今日唔系太晏仲有得食。烟肉薯仔汤用左薯仔溶同烟肉，个汤饮落个薯仔溶好新鲜，加左烟肉仲香口好多。田园沙律食得到佢地的蔬菜全部都好爽脆，好新鲜，沙律酱汁微酸好清新又开胃。美国安格斯肉眼伴红酒汁呢个肉眼有成8安士，我点左七成熟，味道肉质鲜甜，又唔会韧口仲好有牛肉味，仲有大人成只手掌咁大，至于配菜方面有芽菜苗，红萝卜，矮瓜，脆肉瓜。红酒酱汁有淡淡的红酒香味！血橙特饮原来系意大利牌子嘅特饮，个味道酸酸甜甜都几好味。下次要同朋友试下佢个甜品下午茶先，见到隔离枱食都好吸引，又