影片
更多
2022-09-30
531 浏览
蒙面真系红磡必食嘅餐厅之一💛 早排去红隧旁睇林家谦Summer Blues演唱会之前，专登去咗呢到食个early dinner~蒙面嘅车仔𩠌好多款，而且大部分都系啲特别嘅𩠌，例如蚝仔煎蛋、五香牛筋、新鲜花甲、脆香多春鱼等～ 呢到嘅落单方式系自己圈纸仔，逐个𩠌同面底嚟加钱，转汤底都要再加钱，所以加加埋埋都唔平🫣 相对比其他车仔面贵，但都值得食嘅，因为啲𩠌唔hea仲几高质！不过间舖比较细，就算当日4点几去食，都真系好多人排队，都排咗半个钟多啲🫣 好彩可以排队嘅时候落定单，所以坐低都唔使等好耐就有得食～ 我同朋友每人食咗一碗面+share 1串叉烧同3只鸡翼，饱到上心口🤭•🥢 特浓蕃茄薯仔汤 +$14 👍🏼🥢 新鲜花甲 $36 👍🏼🥢 金钱牛肚 $16🥢 韮菜饺 $14 👍🏼🥢 响铃 $10🥢 米线 $10蕃茄薯仔汤好鲜甜😍 系新鲜蕃茄味，无茄膏味，有5-6嚿煲到好腍好粉嘅大薯仔，真系几乎食𩠌+薯仔都饱晒🫢 不过啲米线几滑溜，唔会太腍，同蕃茄汤好夹～花甲好新鲜、肥美，份量超多，仲令到个番茄汤更加鲜甜🤤 韮菜饺都系舖头自己包嘅，超级大粒，仲大过枝汤羹，饺子皮仲几薄，个馅真系满满嘅韮菜，食落都好
蒙面嘅车仔𩠌好多款，而且大部分都系啲特别嘅𩠌，例如蚝仔煎蛋、五香牛筋、新鲜花甲、脆香多春鱼等～ 呢到嘅落单方式系自己圈纸仔，逐个𩠌同面底嚟加钱，转汤底都要再加钱，所以加加埋埋都唔平🫣 相对比其他车仔面贵，但都值得食嘅，因为啲𩠌唔hea仲几高质！
不过间舖比较细，就算当日4点几去食，都真系好多人排队，都排咗半个钟多啲🫣 好彩可以排队嘅时候落定单，所以坐低都唔使等好耐就有得食～ 我同朋友每人食咗一碗面+share 1串叉烧同3只鸡翼，饱到上心口🤭
•
🥢 特浓蕃茄薯仔汤 +$14 👍🏼
🥢 新鲜花甲 $36 👍🏼
🥢 金钱牛肚 $16
🥢 韮菜饺 $14 👍🏼
🥢 响铃 $10
🥢 米线 $10
蕃茄薯仔汤好鲜甜😍 系新鲜蕃茄味，无茄膏味，有5-6嚿煲到好腍好粉嘅大薯仔，真系几乎食𩠌+薯仔都饱晒🫢 不过啲米线几滑溜，唔会太腍，同蕃茄汤好夹～
花甲好新鲜、肥美，份量超多，仲令到个番茄汤更加鲜甜🤤
韮菜饺都系舖头自己包嘅，超级大粒，仲大过枝汤羹，饺子皮仲几薄，个馅真系满满嘅韮菜，食落都好浓韮菜味🤭 不过一𢳂就漏晒啲韮菜馅出嚟🤣
响铃有啲似舖头自制，比较薄脆，索满鲜甜蕃茄汤，好正😋
牛肚卤得好入味，但有一两条带啲啲内脏味🤏🏼
•
🥢 马来喇沙汤底 +$14
🥢 蚝仔煎蛋 $15
🥢 五香牛筋 $16 👍🏼
🥢 猪红 $11 👍🏼
🥢 粉丝 $10
喇沙汤面头都几多辣油，饮落香料味唔算好浓，味道稍稍偏辣，但都几惹味～ 上面仲有好多芽菜同埋豆卜，不过如果啲芽菜豆卜系连汤煮应该会再开心啲😜 粉丝加喇沙都好好食㗎🤤
蚝仔煎蛋真系比较少地方食到，呢到大大块咁上，蚝仔份量唔算好多，但啲蚝仔都几好食～
牛筋卤到啫喱质地，好腍好入味😋
猪红我就无试到喇，但朋友就话几入味同埋爽口，唔会一夹就烂～
•
🥢 招牌蜜汁叉烧串 $28/串
一上枱就闻到好香蜜汁味，啲蜜汁色泽真系睇见到流晒口水🤤 食落炭烧味好香，香甜蜜汁㶶㶶哋，超惹味😍 叉烧用咗半肥瘦再偏瘦少少嘅猪肉，食落啖啖肉，腍得嚟有咬口，唔会好油腻👍🏼 一串大概有4-5嚿，想试多啲𩠌嘅话可以2个人share食😚 但如果唔系因为太饱，我应该会想自己食晒一串🤭
招牌蜜汁叉烧串
$28
13 浏览
0 赞好
0 留言
•
🥢 蒜香生炸鸡翼 $26/3只
炸鸡翼上面加咗海量生蒜🤩 食落外脆内嫩，鸡肉好juicy，系几高水准嘅，但未至于必食～下次再试吓其他口味嘅鸡翼😜
蒜香生炸鸡翼
$26
9 浏览
0 赞好
0 留言
张贴
