影片
更多
2022-10-24
297 浏览
之前已经bookmark左呢间餐厅，因为睇相已劲钟意呢度嘅环境，当中墙上靓靓嘅文字"Cherish this moment" 活在当下就最吸引；另外，仲有俾佢本手绘menu吸引左，真系好想亲自揭开。果然，今日嚟到，能见到真身，真系好靓好靓，不停影相，差d唔记得左呢度系餐厅，要去食嘢😅Lunch Set 可以选跟沙律或餐汤。餐汤就系红菜头汤，只红色做得几靓，个汤几creamy几滑。沙律用了石榴籽，外层爽脆，即使配合埋沙律酱食，都依然觉得好健康。蒜香辣帆立贝扁意粉($128)，扁意粉口感唔会煮到太腍，非常弹牙。蒜味香辣味淡，易入口。带子几大只煎得金黄，食落爽弹。红酒汁烩牛肋条配薯蓉($138)薯蓉浓稠劲滑，有薯香；牛肋条嘅处理唔错，红酒味香，但并无盖过牛肋条嘅肉味；而且入味、够腍，能轻易咬开。 午餐加少少钱，仲可以加配小食或甜品，馋嘴嘅我，当然继续食啦。😋吉列牛肉薯饼(跟餐加$38) 钟意食可乐饼，一见到这个，就已经立即加入点单，当食过第一口，心谂如果呢个系主菜就好啦，因为一个实在不足以满足，好好食!吉列外层松脆到不得了，再加埋牛肉碎与香滑薯蓉伴混嘅馅料，再点埋蜜糖芥末酱进食，外脆内软、香
果然，今日嚟到，能见到真身，真系好靓好靓，不停影相，差d唔记得左呢度系餐厅，要去食嘢😅
Lunch Set 可以选跟沙律或餐汤。餐汤就系红菜头汤，只红色做得几靓，个汤几creamy几滑。沙律用了石榴籽，外层爽脆，即使配合埋沙律酱食，都依然觉得好健康。
蒜香辣帆立贝扁意粉($128)，扁意粉口感唔会煮到太腍，非常弹牙。蒜味香辣味淡，易入口。带子几大只煎得金黄，食落爽弹。
红酒汁烩牛肋条配薯蓉($138)薯蓉浓稠劲滑，有薯香；牛肋条嘅处理唔错，红酒味香，但并无盖过牛肋条嘅肉味；而且入味、够腍，能轻易咬开。
午餐加少少钱，仲可以加配小食或甜品，馋嘴嘅我，当然继续食啦。😋
吉列牛肉薯饼(跟餐加$38) 钟意食可乐饼，一见到这个，就已经立即加入点单，当食过第一口，心谂如果呢个系主菜就好啦，因为一个实在不足以满足，好好食!吉列外层松脆到不得了，再加埋牛肉碎与香滑薯蓉伴混嘅馅料，再点埋蜜糖芥末酱进食，外脆内软、香口惹味等形容词都不足以描述这个美味度。
吉列牛肉薯饼
13 浏览
0 赞好
0 留言
朋友就钟意食鸡翼，于是就加左个水牛城鸡翼(跟餐加$68)，一碟有4只，酸甜之中带微辣，劲惹味。
食评见好多人都会叫伯爵茶奶冻($58)，我又超钟意伯爵茶入馔嘅食物，于是再另外叫左呢个甜品，食落唔会好甜，带有清淡嘅伯爵茶香，滑捊捊嘅奶冻，加埋微酸嘅蓝莓，完美组合。
伯爵茶奶冻
$58
9 浏览
1 赞好
0 留言
饮埋餐饮冻柠檬茶、苹果汁，开开心心地吃饱饱。店如其名，呢一餐丰富了美食嘅回忆。💭
张贴
