Mega-1 (已結業)

朋友相约试下呢间新开既餐厅，估唔到有惊喜⋯ 一入门口见到有ball 枱，餐厅格局似酒吧，起初都有点担心食物质素，点知食过几道菜都几好食，真系无点喜出望外～首先讲下两款pizza - Hawaii pizza同烟三文鱼pizza , 呢间啲pizza 都系薄批，批底好香脆，啲馅好足，好juicy , 味道同啲酱料都好夹，唔会太浓味， 好味！另外，到龙虾汁海鲜意粉- 意粉软硬度适中有弹性，可惜个汁偏重蕃茄味，反而龙虾味不足，有改善空间⋯至于mega burger ，有好丰富既层次，有蛋，beacon ，两层牛肉，cheese，一咬落去蛋汁连埋肉汁爆出黎，真系无得顶！ 至于 fish and chips 就一般般啦， 啲鱼唔够juicy 唔够厚肉 ～ 最后两杯饮品都唔错 ，不过唔记得叫咩名喇～ 只系记得红色果杯系士多啤梨加益力多沙冰～