熱狗の家 (已搬遷) 新店位置

今日同阿妹去行荃湾...o系网上揾o下有咩好食o个阵无意中发现呢间铺头...竟然系一个差o既评价都无ge!!! 真系咁犀利??? 于是就去试o下啦~ 个铺面其实好细...唔系咁起眼...坐位应该都系得10个左右...主要系做外卖生意...我地坐o左o系铺头外面...一张好似bar台o既台...叫o左两个热狗...其中一个叫香草芥末芝士热狗~ 系推介嚟ga!!! 仲有一个叫芥末玉子海苔芝麻热狗~ 又真系好好味wor~ 个热狗包好软熟~ 好香芝麻味~ d酱o既味道唔系太浓~ 感觉好清新~ 之后叫o左一杯榛子咖啡~ 佢拎杯咖啡过嚟o个阵已经闻到榛子o既香味啦~ 味道都真系唔错~ 不过我觉得d咖啡味可以再重d~ 之后个老板仲同我地倾计tim~ 佢问我地觉得d o野好唔好食~ 又主动推介d热狗俾我地~ 佢仲送o左本书俾我地睇tim~ 感觉到呢间系好家庭式o既热狗店~ 服务态度好亲切~ 真系令人食得好开心好满足~