勝記酒家 (已結業)

相约朋友到铜锣湾食饭，朋友喺外国返嚟，话好耐冇饮过中国茶， 唔洗谂一于同佢揾间酒楼试一试， 今次拣呢间唔系啲咩特别大型嘅连锁酒楼， 贪佢人唔算好多，座位舒服，可以同朋友倾耐啲慢慢回味人生。先黎怀旧烧猪， 两个人就叫咗半只，其实可能会比较多，不过饮下茶，倾下偈，就啱啱好，猪皮够晒脆， 最重要唔算太肥。胜记虾饺王， 其实都系普通虾饺， 不过佢比一般虾饺嘅虾脆啲， 咬落口感又好啲，皮又唔算好厚。蚧子蒸烧卖， 平时食嘅度系蟹子烧卖，估唔到， 喺度都有惊喜，肉感十足。鸳鸯腊肠卷， 又一怀旧菜，最可惜嘅就系 一人得一嚿，食唔晒两种唔同嘅腊肠。怀旧马拉糕， 发得够晒高， 怀旧嘅味道返晒嚟。期待下次朋友再回来，一齐再吃好东西。