吉祥日本料理 (已結業)

今日去黄埔探朋友，朋友话带我食好嘢，跟佢去咗呢间日式餐厅 - 吉祥日本料理。餐厅装修都几靓，有吧位，一般坐位，重有私人房间，如果一班人去食，坐私家房都唔错👍🏻吉祥日本料理有 串烧同日本料理食，我哋乜都叫啲，质素又唔错，重几好味㖭😊蟹籽沙律 - 蟹籽份量算多而且好新鲜，系作为前菜的好选择🥗牛油果卷 - 牛油果好新鲜，配合寿司饭，非常之夹🥑大吞拿鱼腩寿司 - 吞拿鱼油脂分布极平均，外观好靓，啖落去啲油脂充满口腔，果种鲜甜味真系无得顶👍🏻三文鱼腩寿司 - 三文鱼腩劲厚切，好浓嘅三文鱼味，好耐都无食过真系有三文鱼味嘅三文鱼啦😋北海道海胆寿司 - 钟意食海胆嘅朋友，一定唔可以错过，北海道海胆鲜味比较浓，有淡淡嘅海水味，入口即溶一样，正👍🏻👍🏻串烧拼盘 - 烧鸡翼保留到肉汁、鸡软骨香脆可口、烧青椒仔清甜多汁，配上日本啤酒，呢个套餐都好抵食🔥朋友果然无介绍错，呢间可以再去帮衬👍🏻👍🏻