心選 (已結業)

朋友系要见嘅，同朋友好耐无见，所以今日就拣咗一间楼上嘅cafe，贪佢可以坐耐啲又可以玩下游戏咁，约出嚟见吓。呢度位置好方便，西洋菜街行入少少就系，入到黎见到有好多胡桃夹子嘅摆设，啱晒嚟紧圣诞啊。我哋四个人，叫咗一啲小食同埋几个主食再加埋嘢饮。唔驶等好耐，啲嘢食就上晒黎啦。呢一个小食拼盘有圆形春卷，三角形春卷同埋炸饺子，热辣辣啱啱炸好就拎上嚟，食落口有脆卜卜，非常之有口感。而另外呢一个黑椒烟鸭胸炒意粉，黑椒味够晒浓郁，鸭胸唔会太鞋就而且仲有啲辣，啱晒钟意食辣嘅朋友，又够醒神。不过我最钟意呢一个鸡皇焗饭，原因系我钟意佢个酱汁够晒浓郁同埋啲鸡肉都够晒滑。嘢饮方面我哋就嗌左一个百香果茶，呢一个果茶够晒真材实料，入边仲有啲百香果籽，果然系新鲜整起嘅百香果茶。一边玩board game，一边食嘢真系够晒放松，岩晒成班朋友上嚟一齐聚下旧啊。仲有一个好特别嘅嘢，就系呢一度原来有会员制度，咁就可以每次返嚟聚旧，每次都储下会员积分啦。