完美煮意 (已結業)

朋友系要见既！所以今晚又同左车车去食饭去~为左唔想大家食完饭后要搭好耐车，于是我地就拣左个中间点-观塘上网揾左一轮后就去左呢间餐厅坐低后，就叫左呢个德国咸猪手配辣味薯角，份量都算大，炸到外脆脆地，内嫩滑无比，再埋个酱汁下，确系正呀之后送黎就系我最爱既冻柠檬茶，味道清润，唔会苦，而且仲饮得出柠檬既鲜味添接住就有呢道牛肋条饭，讲真两个人食都可以食好饱，因为份量真系好大吓，牛肋条又多，肉质仲好嫩同够入味，又唔会太咸，厨师系煮得几好！甜品方面我地就叫左法式焦糖炖蛋！！食咗一个之后觉得根本唔够，仲想食多几个吖，因为炖既时间刚好，蛋味够浓，个焦糖又好脆，加埋又热辣辣，食到我地2条友的一致想叫多个食倾倾笑笑又一个晚上，朋友真系要见架！