Flame at Towngas Avenue (已結業)

四个人都打晒两针，有人话这间餐厅食饭可以打针有七折，当然要试吓，果然有惊喜。朋友两年半前试过，𠮶阵时好难订位，但近期疫情，比较容易揾位👍🏻😃餐牌有个四人餐，$1200，我哋觉得好吸引，决定叫咗佢。头盘有四款拣两个，拣咗蔬菜沙律，酱汁系热情果加芒果汁，好开胃，值得推介，主菜可以三拣一，有海鲜、肠仔、杂扒，我哋拣咗杂扒，果然冇失望，虽然都知道系雪藏肉，但整得唔错。之后可以拣多两样饭或意粉，我哋选咗素菜意大利饭，和素玉蕃茄意粉，当中知意大利饭做得最好，大家可以试吓，虽然冇肉，但反而食落去冇咁腻。最后就系重点⋯⋯甜品拼盘，食得出有少少雪味，我哋估系下午茶做完之后放落雪柜，然之后晚餐再送上，个人觉得冇问题，但可以考虑揾方法令雪味冇咁重，否则浪费咗咁靓嘅甜品埋上，咁就100分了。最后仲要赞下员工态度，充满热诚，非常落力，如果间间食肆都有呢啲员工，香港饮食业肯定大放异彩。