影片
更多
2021-07-20
21 浏览
平时都好少黎呢边，今日朋友话黎食好野，就同佢黎呢边食下野吹水。黎到呢到第一样野就紧系叫啤酒，呢个健力士黑啤既味道都几浓，而且咖啡味好重，配串烧好夹。 之后就叫左d烧物食下，呢个烟肉大啡菇烧得唔错，唔会太熟太老。而最特别既一定要讲一讲烟肉。呢间食店既烟肉好足料，系用原片厚身烟肉而唔系一般食店既薄烟肉，食落比一般食店既有口感，而且烟肉既味道亦更加浓郁，再同大啡菇夹埋一齐，一啖可以食哂两种味道。纽西兰羊架既份量好足，大大只，食落啖啖肉。羊既调味亦做得唔错，不过可能因为比较钟意浓味既嘢食，个人认为羊膻味可以再重少少。 呢个芝士烟肉烧生蚝既份量好足，每只蚝都大大只，而且味道亦好浓郁，如果系钟意食蚝既可以试下。而芝士同烟肉既份量亦好足，味道浓郁。 食一口牛最怕牛肉太熟或者太生，但呢个芥末一口牛就整得非常好。一口牛唔会生，但又烧得好腍，口感甘香，配埋调味过既芥末，好滋味。 食串烧真系一定要食烧韮菜，韮菜既独特香味配埋辛辣既孜然粉，又开胃又惹味。而呢度既烧韮菜调味调得啱啱好，值得推介。 本身以为炭烧猪颈肉系一碟上，点知原来系一串。猪颈肉好大块，要不断折起先可以用一枝竹枝串起，好足料。而猪颈肉亦烧得好
平时都好少黎呢边，今日朋友话黎食好野，就同佢黎呢边食下野吹水。
黎到呢到第一样野就紧系叫啤酒，呢个健力士黑啤既味道都几浓，而且咖啡味好重，配串烧好夹。
之后就叫左d烧物食下，呢个烟肉大啡菇烧得唔错，唔会太熟太老。而最特别既一定要讲一讲烟肉。呢间食店既烟肉好足料，系用原片厚身烟肉而唔系一般食店既薄烟肉，食落比一般食店既有口感，而且烟肉既味道亦更加浓郁，再同大啡菇夹埋一齐，一啖可以食哂两种味道。纽西兰羊架既份量好足，大大只，食落啖啖肉。羊既调味亦做得唔错，不过可能因为比较钟意浓味既嘢食，个人认为羊膻味可以再重少少。
呢个芝士烟肉烧生蚝既份量好足，每只蚝都大大只，而且味道亦好浓郁，如果系钟意食蚝既可以试下。而芝士同烟肉既份量亦好足，味道浓郁。
食一口牛最怕牛肉太熟或者太生，但呢个芥末一口牛就整得非常好。一口牛唔会生，但又烧得好腍，口感甘香，配埋调味过既芥末，好滋味。
食串烧真系一定要食烧韮菜，韮菜既独特香味配埋辛辣既孜然粉，又开胃又惹味。而呢度既烧韮菜调味调得啱啱好，值得推介。
本身以为炭烧猪颈肉系一碟上，点知原来系一串。猪颈肉好大块，要不断折起先可以用一枝竹枝串起，好足料。而猪颈肉亦烧得好好，烧到外层有少少脆，加上入面既甘香好好食。不过猪颈肉肥既部位都多，如果系减紧肥既朋友可能可以试下其他菜式。
本身仲谂紧猪扒咁大块，食起上嚟会唔方便。但呢个盐烧猪扒好贴心，系用薄切，而且已经预先切开一片片，食落好方便。而猪扒既肉质亦好腍，腌得几好。
张贴
