水門雞飯 (百宜樓) (已結業)

今日放假约左个朋友系元朗见面，都几耐冇见过佢啦，所以谂住行下街、食下嘢、聚下旧咁啦😌。行到咁上下之后..就入左间专门食泰国水门鸡嘅餐厅，其实之前都见过上网有人专访，我谂应该质素都唔差嘅🤔🤔我地一齐叫左个泰式炒通菜同秘汁泰式生虾Share一齐食。通菜方面，由于加左啲辣椒关系，所以会有少少辣，食落无咩特别，可以用黎送饭😂😂至于生虾就只只都好大，一睇就见到好多肉，加埋佢嘅摆设，令到食客会有更多食欲，视觉同味觉都享受。之后各自各都叫左个水门双拼鸡饭同鲜虾炒金边粉。鸡饭方面有两种口味，所以唔会食厌唔想食。个人比较喜欢原味个种鸡，因为好滑同肉质好林👍🏻👍🏻，如果中意食香口少少嘅话，炸鸡个一种就啱哂啦，外脆内软，加埋秘制嘅酱汁简直系绝配啊！朋友嘅鲜虾炒金边粉又系偏辣少少，有几只大虾喺旁边，值回票价啦。食嘅时候要加啲青柠汁，可以令到自己更开胃，不过金边粉本身都带点酸，所以好容易就刺激到食欲，不停咁食啊食啊食😂😂平民嘅泰国餐厅好少有架，价钱唔贵又有质素嘅话，呢间已经唔错架啦，装修又简单舒服，又有音乐听下🎺🎺。