唐宮小聚 (荃新天地)

营业中

休息中

今日五位朋友相约一起晚餐，由于限聚令仍然四人，所以有一位人要坐隔离枱。不过都好近。一入到去门面虽细，但原来间餐厅好大坐得好舒服。五个人叫咗好多嘢食，因为呢间餐厅嘅嘢食，系好食，不过相对份量都比较少。所以我哋决定带多啲款，可以试唔同新野。极力推介皮蛋豆腐入口即溶，个酱汁好好食，基本上一个人都可以食晒成个。哈哈乳鸽又系好推介乳鸽好似$30一只，但真系有质素，有肉汁，好好味。流沙包亦推介流沙包做紧优惠，一咬入口，汁流晒出嚟，热辣辣香喷喷。仲有炒大蚬好似$138，蚬肉新鲜肥美，不过份量比较少。总体而言呢间餐厅食物质素非常好。但唯一美中不足就系，我哋几杯嘢饮，由落单去到食完饭都未到。唔知系落漏单定系水吧太忙。