黃記煌三汁燜鍋 (已結業)

今晚约咗两个相识差不多廿载的姊妹食饭，而其中一个就book咗尖沙嘴呢间楼上焖锅店，佢去开内地，介绍我地知黄记煌系内地好出名，好多分店，可能香港店开系2楼，所以就算系尖沙咀，都未算有太多人知。由于另一姊妹陀紧B，所以海鲜同牛都不在我哋考虑之列，而最后我哋就拣咗猪大煌焖锅，锅入面已经包括排骨、黑木耳、菇菌同蔬菜。Order咗一阵，有个侍应就拿了个红色花樽过嚟，原来呢个东东系装住所有材料同酱汁，我哋见佢将材料一层一层咁拆解放入个煲度，先蔬菜，后肉同菇菌，最后有秘制酱，唔加水，佢话咁先原汁原味。其实无论卖相定实制佢都几大份，3个(半)女仔食其实好够，至于味道，我觉得系好食但偏咸同重口味，可能我哋叫排骨，所以无好似海鲜咁有多层次的鲜甜，呢款比较突出咗秘制酱ge味道而已。不过有肉有蔬菜有菇菌，咁都尚算均衡健康。