水剌韓饍 (已結業)

真系好多谢甘多位好友每年都特登出外揾间好既餐厅庆祝我生日，一大班人食饭。今年选择左呢间新开的韩国餐厅，希望会有惊喜。我地叫左呢d野食 :炆牛肋骨 (首选推介系呢个牛肋骨，肉质好「林」，好入味，正!) 蛋包虾 (呢个𩠌都几特别，我未都系出面d韩国餐厅食过，好好味，一d都唔油腻)春川炒辣鸡 (有个经常去韩国既朋友，叫我试下呢个鸡，韩国好多地方都有得食，但香港就未必，食落甜甜地，跟住有少少辣，入面都有少少年糕，捞饭食相当唔错。)韩国炒粉丝 (几个朋友都中意食呢个粉丝，爽口又弹牙)石锅小八爪鱼杂锦伴饭 石锅牛肉杂锦伴饭 石锅鸡肉杂锦伴饭(石头锅饭佢地会问你捞唔捞埋辣酱，我地就拣左要辣酱，入面d配料好丰富，又唔系话好辣，ok好味)辣酱炒年糕(呢碟𩠌上左之后都好快被人扫清光，年糕软身，一d都唔硬，同个辣汁好配合)泡菜煎饼(煎饼都好好味，唔会油腻，配料都相当充足，味道好，抵叫)人参鸡汤(煲汤有好多鸡肉系入面，个个人都分到有鸡食，汤味道鲜甜。)环境唔错，又唔会好嘈，仲有个饭后饮品，酸酸地，唔错，我谂我有下次都会再黎。