影片
更多
2014-09-12
2740 浏览
早前同朋友食过咖啡弄, 所以今日就同朋友再黎dazzling cafe试下, 因为两间餐厅俾我既感觉都差唔多, 所以就私底下作个比较 xdd 预左会多人排队, 已经特登5点几6点去拎筹, 点知结果都要等一个钟头松啲先入得去 >< 好在等左咁耐都系值得既~ 啲嘢食果然有反咁上下水准 叫完等左5分钟左右啲嘢食就陆续送到~我觉得呢两杯饮品都冇乜特别, 唔难饮, 但亦冇乜值得推介呢个明太子意粉真系好味到冇得弹!!! 个汁加埋啲蟹籽, 有口感又唔会太腻~ 可惜个意粉份量太少, 我地5个人分几条就冇晒.... 个人认为就算一个女仔食晒成碟都唔会饱.... $92太贵, 如果个价钱平反啲, 我会觉得值啲... 个松饼有得拣正常或者较脆, 我地要左脆啲既松饼~ 我最钟意佢有唔同既酱捞埋一齐食, 有草莓, 枫糖同炼奶~ 草莓酱冇乜太大惊喜, 加左枫糖既松饼同食M记早餐冇分别... lol 炼奶呢个配搭好少见, 但个味同松饼又真系几夹, 个人认为系三款酱入面最夹既! 好戏在后头, 最出名既我地留反最迟上~ 呢个蜜糖吐司我喺茶木食过, 不过呢到会有专人帮我地切, 教埋我地点样食, 服务态
早前同朋友食过咖啡弄, 所以今日就同朋友再黎dazzling cafe试下, 因为两间餐厅俾我既感觉都差唔多, 所以就私底下作个比较 xdd 预左会多人排队, 已经特登5点几6点去拎筹, 点知结果都要等一个钟头松啲先入得去 ><
好在等左咁耐都系值得既~ 啲嘢食果然有反咁上下水准 叫完等左5分钟左右啲嘢食就陆续送到~
我觉得呢两杯饮品都冇乜特别, 唔难饮, 但亦冇乜值得推介
呢个明太子意粉真系好味到冇得弹!!! 个汁加埋啲蟹籽, 有口感又唔会太腻~ 可惜个意粉份量太少, 我地5个人分几条就冇晒.... 个人认为就算一个女仔食晒成碟都唔会饱.... $92太贵, 如果个价钱平反啲, 我会觉得值啲...
个松饼有得拣正常或者较脆, 我地要左脆啲既松饼~ 我最钟意佢有唔同既酱捞埋一齐食, 有草莓, 枫糖同炼奶~ 草莓酱冇乜太大惊喜, 加左枫糖既松饼同食M记早餐冇分别... lol 炼奶呢个配搭好少见, 但个味同松饼又真系几夹, 个人认为系三款酱入面最夹既!
好戏在后头, 最出名既我地留反最迟上~ 呢个蜜糖吐司我喺茶木食过, 不过呢到会有专人帮我地切, 教埋我地点样食, 服务态度一流
虽然成班朋友一齐食系几开心, 有一刻会当自己系贵妇, 等人服侍你 xdd 但始终个价钱都系太贵, 短期内应该都唔会再去喇, 叹过一次就算~
最值得赞赏既绝对系啲员工既服务态度, 好有礼貌! 不过唔明点解明明有啲员工系香港人, 但都规定佢地讲普通话... 搞到我落单果阵都唔知应该讲广东话定普通话 -_-||
张贴
