三橋一品日本料理 (已結業)

三五知己一齐食饭，要合各人心水，揾食都唔系易事，食日本放题其实系唔错的选择，食物多元化，又比较食自助餐便宜得多！所以每隔一段时间我地都会去下唔同既放题试下。今次去妮间，地区唔系太方便各人，但其中一个朋友同屋企人试过话唔错，仲极力推介，所以大家就入左沙田食喇！老实说，店内的环境和食物无乜太大惊喜，但价钱真系抵，食物款式都叫多选择，刺身约有十多种，主打三文鱼、马刀贝丶剑鱼腩、甜虾、希灵鱼等等，上碟卖相专业，味道也十分新鲜。只系食到中段，客人较多时，上菜速度开始减慢，攻略系头轮要多叫寿司及鱼生，可能人手不足的关系，要食住熟食等生食！除了鱼生，小食都有好多种类，适合不同口味人士嘅需要！总括而言，我对朋友的推介没有失望，每人只系需付百几蚊，就有一餐合理同合格的放题，个个都话冇介绍错！