蚊蚊豬老火鍋 (已結業)

之前已经听朋友强力推荐深水埗有一间打边炉好抵食，但因为本身唔系住附近同返工，见今日约咗朋友系深水埗采耳，所以book咗呢间名为蚊蚊猪嘅烤鱼、鸡煲火锅。我地book咗晚市时段7点，嚟到舖头晚都已经大约9成满座，好彩朋友醒目一早book定位。😍一坐低服务员好快已经过嚟问我地之前有冇嚟食过，事关我同呢位朋友都未食过，咁唯有请店员介绍一次，原来呢到食法都几特别，可以拣一款烤鱼/鸡煲食咗先，之后食晒就可以再转，放题就食得多 但可以食完烤鱼再食鸡煲都系第一次见。😋我同朋友都好钟意食鱼，所以就点咗药膳水库大头鱼， 落单后第一时间嚟嘅唔系烤鱼！而系大大份刺身，有三文鱼、北寄贝、甜虾、八爪鱼、墨鱼片 仲有仲有两只矶煮鲍鱼😳， 睇见都忍唔住流晒口水。系流紧口水之际，第二个惊喜都嚟埋！就系一份打边炉不可或缺嘅靓牛，呢碟牛望落已经知系靓嘢，店舖仲好细心 每一款牛嘅隔离会有牌仔标示名称，有牛板腱、封门柳、极上牛肩嫩肉！最后主角终于到场，烤鱼一放上枱阵阵药材嘅香味扑鼻而嚟，汤底有杞子、红枣、龙眼肉等等 全部都系我嘅最爱，店员话啲汁滚左就食得！但我真系等唔切喇 偷食咗两粒龙眼肉😛 终于等到滚起食得鱼了，可能因为系我