黃明記粥粉麵家 (已搬遷) 新店位置

成日听朋友讲呢间粉面好好食，系一间开左好多年既老店，今日特登慕名而黎！朋友力推我食佢个墨鱼丸同墨须，咁我就叫左一碗墨丸，一碗墨须河，佢个汤底比到我惊喜，味道好浓郁，好好饮，同埋好多芫茜😍中意食芫茜既朋友一定会中意😜佢个墨鱼丸先系最出名，系手打架，好弹牙，同埋系有葱系入面架，食落去好香，同出面食既墨丸系完全唔同，真心觉得正！墨须都唔错，好爽好有咬口，另外仲叫左碟芥兰，好嫩好新鲜，冇苦味👍🏻见到隔离台食猪杂，好似都好正咁，下次再试猪杂🤩事实证明咁远过黎都系值得架😌