玉庭

今晚约咗超过一年半没有见的好朋友食晚饭，佢住喺帝堡城，因为沙田新城市广场一期地下有邨巴返屋企，所以佢拣咗喺新城市广场一期食晚饭，佢就打咗复必泰疫苗，我就唔够胆打，所以要揾一间换气设备很好和枱与枱之间距离比较远的地方食晚饭，我俾咗帝都酒店佢拣，佢拣咗中菜厅玉庭，我嚟到先知原来2楼不可以入去的，要喺地下入，一入去才知道装修和座位编排都改变了，依家没有间隔，但系枱与枱之间的距离很远，我们后面有一个换气的电器，所以看来应该食得安心。每张枱都有一个餐前小食$20，今次系百度角丁煮云耳豆腐干等等，味道都唔错，所以我哋都食晒。我们两人每人点了一个菜式，我点了一个珍菌杂菜煲，朋友点了避风塘炒鳝球，每人一个白饭$20x2因为我要食一碗，而佢原来只系食半碗。珍菌杂菜煲$198初初食落觉得太淡，但系越食越好食，可能系摆耐左啲杂菜索左上汤的味道，不过争少少食唔晒！避风塘炒鳝球$288好得意，因为唔系用咗大量嘅蒜蓉去做，用咗好多脆米代替大量的蒜蓉，唔会觉得比蒜蓉抢晒啲味，所以我哋除咗食鳝球之外都有食很多料头！非常之惹味。汇丰信用卡买单八折，折左每位$266。