森巴餐廳 (已結業)

朋友生日，见到呢间餐厅专庆祝生日，所以去试下。一去到就有红鸡蛋同埋一张卡仔放响台面，哈哈，几得意。我地三个女仔＋一对夫妇，各自点菜。我地三个女仔就叫左三个餐share，好多野食。总共可以选八个头盘，咁桥又有八款，所以每样都叫哂；一人一个汤，我就叫左龙虾汤，都有轻微所谓龙虾味；主菜叫左牛、鱼同鸡，我只有食左牛，我觉得几林，比想像中好；可以拣一个森巴推介，ｄ人话八宝酿乳鸽好味，试下啰，我又唔觉好好食，只鸽都冇入味嘅！最好仲有甜品饮品，我拣左焦糖炖蛋，好味㖞！拣左菊花蜜，出奇地ｏｋ㖞，但朋友话菊花姜蠹就no good！之后系蛋糕环节，仲有朋友个名，不过串错字啰，明明张卡仔都冇串错架！送嘅蛋糕唔好预好好味啰！同时会播生日歌架，朋友话好似会有生日果个人嘅名响首歌入面，但我地挂住吹蜡烛，miss左。另外餐厅仲送左相片月历同有名嘅锁匙扣比寿星女，好多野玩，都几得意架！我地请寿星女，但系每人都系$280／位，如果只计食物质素就唔抵，不过咁多野食，劲饱！又咁多野玩咁多野送，抵番哂！