影片
更多
2013-11-17
1402 浏览
朋友生日拣左呢到食生日饭，因为book左位所以唔驶等位，预定时间一小时前舖头打黎comfirm booking，仲问我想坐露台位定室内位，因为之前未食过，所以幻想露台位真系有围拦𠮶d露台位，喺拣露台位时，店员已预先讲明有人会偷鸡喺露台位食烟，如果真系好开扬露台位，我觉得无问题，点知原来只系大窗边位，仲要食既途中原来隔离枱十居其九都会食烟，咁既密封大窗边位，咁多人食烟就觉得真系好大问题啦！建议唔想狂食二手烟既朋友都系选择室内位会好好多。我地点左烧魔鬼鱼﹑鸡煲(小辣)﹑烧茄子﹑烧鸡中翼﹑烧鸡皮﹑烧鸡肾﹑烧鸡软骨﹑烧羊肉﹑烧牛柳粒﹑烧司华力肠﹑烧999(韮王﹑韮菜﹑韮菜花)﹑椒盐猪大肠，好似系咁多野，另外每人一樽汽水($8)/绿茶($12)/乌龙茶($12)。烧魔鬼鱼︰好脆，好似食紧炸鱼皮咁，上枱系原条魔鬼鱼上，餐牌话系店内必食$98/斤，今日食𠮶条要$128，不过由于店员既失误，将我地未食晒既鱼同d垃圾放埋一齐，所以店舖提议减$30或者比返几旧我地补偿返，之但系，条鱼除左脆之外，其实无咩味，而且佢上枱都系原条上，佢补返几旧比我，我地都好惊佢比返原本𠮶几旧我地，所以就算系食净半条鱼，点理应该
我地点左烧魔鬼鱼﹑鸡煲(小辣)﹑烧茄子﹑烧鸡中翼﹑烧鸡皮﹑烧鸡肾﹑烧鸡软骨﹑烧羊肉﹑烧牛柳粒﹑烧司华力肠﹑烧999(韮王﹑韮菜﹑韮菜花)﹑椒盐猪大肠，好似系咁多野，另外每人一樽汽水($8)/绿茶($12)/乌龙茶($12)。
烧魔鬼鱼︰好脆，好似食紧炸鱼皮咁，上枱系原条魔鬼鱼上，餐牌话系店内必食$98/斤，今日食𠮶条要$128，不过由于店员既失误，将我地未食晒既鱼同d垃圾放埋一齐，所以店舖提议减$30或者比返几旧我地补偿返，之但系，条鱼除左脆之外，其实无咩味，而且佢上枱都系原条上，佢补返几旧比我，我地都好惊佢比返原本𠮶几旧我地，所以就算系食净半条鱼，点理应该收半价，但系我地都癈事同佢地嘈，减$30算数！
鸡煲(小辣)小煲$98︰真系好小辣，感觉上无乜辣味，不过味道都算ok，但系鸡肉感觉上好似好少，同埋好似都系得鸡颈﹑鸡头﹑鸡翼尖咁，有肉既部份实质得好少。
烧茄子︰味道尚算ok, 茄子上面有蒜蓉同葱花，唔食葱既要慢慢拣出黎，因为都几多下，同埋条茄子好油呢！
烧鸡中翼︰我无食过呢个，不过朋友食话ok
烧鸡皮︰真系皮一块，无乜味。
烧鸡肾︰头𠮶段有味，后面𠮶d无味既。
烧鸡软骨︰都系无乜味
孜然羊肉串︰个人觉得无"苏"味，但同时都无孜然味
烧牛柳粒︰尚算ok
烧司华力肠︰无食过，最后都有食净，朋友无评论好唔好食
烧999(韮王﹑韮菜﹑韮菜花)︰呢个都几好味，不过佢d韮菜剪都唔剪下，一夹劲长。
椒盐猪大肠$68︰餐牌上有好多种猪大肠既食法可选择，原本想叫猪大肠煲，不过好似好大煲咁，6个人有一个唔食，我地惊食唔晒，所以最后拣左椒盐猪大肠。其实唔系好食得出佢系猪大肠，因为d猪大肠好薄身，所以好似食薯片咁，但系我同其余两个朋友都觉得好咸，太咸了，所以好口渴
好似叫左好多野咁，但系串烧每款都只系$28/$38，埋单只系500几蚊，平均每人一百蚊都唔驶，系几平既﹐但系个人觉得味道真系唔太突出，所以不会再有下次。
题外话/补充资料：
店舖较近西铁柯士甸站，建议如果大家去食，可以选择坐西铁，A出口出隧道后过对面就系，如果坐地铁佐敦出，行过去食店会比较远。
(以上食记乃用户个人意见 , 并不代表OpenRice之观点。)
张贴