渝味曉宇重慶老火鍋 (聚賢逸居) (已結業)

喺社交平台见到朋友放咗啲美食相之后问佢呢间嘢喺边度嚟㗎佢就介绍咗我呢度啦!!!• 渝味晓宇重庆老火锅• 西环坚尼地城卑路乍街163号聚贤逸居1楼佢呢度嘅点餐纸上面嘅食物有半份同全份选择,可以随心选择多同少份量,啱晒钟意样样试小小嘅人!!!同埋佢每样食物下面都会括住要煮几多分钟既提示,好贴心!!!酱油费每位20蚊我整咗一个有葱花芫茜辣椒粒蒜蓉蚝油麻油豉油既混酱... 耗儿鱼,一定要食,好好味,鱼肉结实一啲都唔腥好鲜甜,冇咩鱼骨啖啖肉!!! 紫沟白淮山,其实紫淮山营养更加丰富同卖相更靓,既养颜又对肠道有益健康!!! 皇帝菜洗得干净,系打边炉绝配!!! 鱼鳔即系鱼卜,其实佢本身就冇乜味嘅但系加入麻辣火锅里面,索晒辣味汤精华辣得过瘾,既爽口又滑身!!!桶蚝,真系唔系讲笑,一上枱好大阵蚝既鲜香味!!!大大只,蚝身饱满,味道鲜甜!!!金菇菜同样系食麻辣火锅一流既选择,又系索尽晒辣汁汤嘅精华,辣得过瘾!!!汤底每位38蚊今次拣咗鸳鸯锅,一边系重庆麻辣汤底一边系山珍菌汤锅,里面有猴头菇姬松菇秀珍菇,依几种菇合拼埋令依个素汤味道已经好浓郁!!!手打三宝丸亦即牛丸墨鱼丸虾丸, 口感Q弹!! 食完仲有糖水送