To-Gather Cafe (已結業)

突然之间心血来潮想约朋友夜晚去食饭，近近地就脚就拣咗旺角。其实好耐之前已经试过呢间，印象中唔错就再去食啦！间餐厅嘅布置好温馨，墙上贴咗唔少相，又有啲装饰，感觉好舒服！今次同朋友都懒得拣，所以就试下party for two嘅menu，main dish可以四拣一，甜品就三拣二。最先会比咗汤同沙律你，沙律好大份，我地两个人系食唔晒😂蜜糖鸡翼，秘制日式饺子套餐包嘅小食，饺子上面嘅酱汁系好似烧章鱼小丸子嘅酱汁咁，配饺子食异常地夹！蜜糖鸡翼就正常水准。无得输芝士薯条上菜嘅时候侍应已经同我地讲要趁热食，果然热嘅时候啲芝士系好浓郁，但又唔会令到我觉得好漏。即使近排想戒口唔食热气野，我都忍唔住！白汁香蒜蚬肉意粉十分多蚬肉，一啲都唔偷工减料！虽然佢嘅做法唔算好传统，但个人觉得意粉配香蒜系无得输嘅组合😎甜品：泡芙、纽约芝士蛋糕甜品方面，呢度嘅甜品唔算好甜，纽约芝士蛋糕食落都几绵，但唔会好漏！呢度每份食物都好大份，我同朋友都食唔晒，但CP值好高，两个夹埋都系二百几蚊！如果大班朋友食，应该都几适合！