有米鍋粥底海鮮火鍋 (已結業)

上星期朋友聚餐，成20个人，以为又系去酒楼，点知朋友带咗我地去呢间「有米锅」。老细好好人，比咗个近门口又自成一角既位比我地，唔惊嘈到其他人。粥底火锅都唔系第一次食，不过呢间都算唔错，价钱唔贵，但就有海鲜食。鱼、蟹、虾、 鲍鱼等，都好新鲜，佢啲花胶，话咁快比啲女仔扫晒。我自己唔系特别钟意食粥，不过佢个海鲜粥最后加入 南瓜及芋头，又几好味。老细话呢个叫黄金粥，无渣，大人细路都啱食。呢个场唔系话非常大，但胜在够干净，连厕所都干净企理。一大班朋友聚脚搞活动，或者家庭聚会都系唔错既选择。