天機棧扒房 (已結業)

朋友聚会，订左枱吃饭。当时全场大约7成人到，落左order。等order时，去左洗手间，劲污糟，厕所又坏埋无水，唉 。。即刻对呢间野大打折扣。等左10分钟，开始上小食: 田螺薯蓉同香煎鹅肝，2样都唔错。但之后上汤就等左成15分钟，但只系普通白汤同红汤，都唔明点解甘耐？更神奇嘅系我个fd迟左30分钟到，佢一叫主菜后，竟然10分钟后，成枱啲主菜一次过上晒枱。但佢个汤都未上，就上主菜，啲次序错晒，极有可能系整多左，推埋落我张枱。主菜: 卖相唔错，西冷Ok，咸猪手份量十足，皮脆肉嫩。鸡卷黑松露意大利饭，都唔错。香煎鱼柳南瓜意大利饭，鱼柳唔错，但个饭无乜味。甜品: 心太软同法式炖旦。2样都麻麻服务都麻麻，明明订枱时话唔限时，点知食左2粒钟就赶人走。话有人订左枱，等紧位，结果迫住埋单走人，出到去见到有几张枱都系吉嘅，而且出面鬼影都无只，甘样赶客法，而且卫生麻麻，想再帮衬都难。