影片
更多
2024-09-19
285 浏览
最近天气超焗热，真系行两步都出晒汗。约朋友都唔敢约D 太远既餐厅，渔正系佐敦地铁站隔离既居酒屋，非常方便之余，人气都好高，今日就book 左台同几个朋友黎聚下旧。首先点左个前菜龙虾沙律，面头有大量蟹籽，龙虾肉有巨量而且好弹牙！底部有青瓜丝，捞埋一齐食感觉好清新，真系好开胃！北寄贝通常都系食熟既刺身，渔正竟然有提供新鲜活北寄贝刺身，即刻点左！北寄贝超级新鲜，食落少少爽口，越咬就越感受到具类既鲜甜味，最好食系佢粒带子肉，口感弹牙鲜味十足，好正！味噌烧蚝大大只而且好厚肉，因为左入左味噌去烧，烧蚝鲜嫩得黎仲多左一阵豆香味，层次几丰富。师傅手势唔错，蚝肉入口爽滑鲜甜，正！清酒煮蚬上枱个阵仲热辣辣，已经闻到好香既酒香味，蚬肉大大只，无沙啖啖肉！新鲜肥美。烧牛小排都唔错，牛小排系半肥瘦，烧到5成左右既熟度，仲见到好靓既粉红色。而佢配送既酱汁似烧汁，配搭埋一齐食真系正！另外要讲下盐烧吞拿鱼下颚，卖相唔系话特别靓但内容物绝对惊艳到我！本身烧到外皮脆香，但我地就唔知边度落手好。店员主动过黎帮手切开面既厚皮，即刻有鱼既香味涌出。第一次食吞拿鱼依个部分，估唔到肉质甘嫩滑，仲要好有鱼脂！而佢送既酱汁酸酸地又非常
首先点左个前菜龙虾沙律，面头有大量蟹籽，龙虾肉有巨量而且好弹牙！底部有青瓜丝，捞埋一齐食感觉好清新，真系好开胃！
北寄贝通常都系食熟既刺身，渔正竟然有提供新鲜活北寄贝刺身，即刻点左！北寄贝超级新鲜，食落少少爽口，越咬就越感受到具类既鲜甜味，最好食系佢粒带子肉，口感弹牙鲜味十足，好正！
味噌烧蚝大大只而且好厚肉，因为左入左味噌去烧，烧蚝鲜嫩得黎仲多左一阵豆香味，层次几丰富。师傅手势唔错，蚝肉入口爽滑鲜甜，正！
清酒煮蚬上枱个阵仲热辣辣，已经闻到好香既酒香味，蚬肉大大只，无沙啖啖肉！新鲜肥美。
烧牛小排都唔错，牛小排系半肥瘦，烧到5成左右既熟度，仲见到好靓既粉红色。而佢配送既酱汁似烧汁，配搭埋一齐食真系正！
另外要讲下盐烧吞拿鱼下颚，卖相唔系话特别靓但内容物绝对惊艳到我！本身烧到外皮脆香，但我地就唔知边度落手好。店员主动过黎帮手切开面既厚皮，即刻有鱼既香味涌出。第一次食吞拿鱼依个部分，估唔到肉质甘嫩滑，仲要好有鱼脂！而佢送既酱汁酸酸地又非常解腻，好快已经清左依碟！推荐！
浓虾汤乌冬真系好夸张！汤底系极浓郁既虾汤，非常鲜甜！面头更加加入樱花虾，令到个汤更加鲜香！而幼身乌冬煮到刚刚好，挂汁之余仲好弹牙！
吃完之后大家决定再点少少串烧一边吃一边吹水。渔正既各款串烧都好出色，特别深刻既有荔枝豚肉卷串，用豚肉包住荔枝肉黎烧，肉香味配荔枝既清甜，真系估唔到味道会甘夹。汁烧帆立贝都好正，每串两大只而且烧到刚刚好充满肉汁！鸡软骨爽脆，非常岩用黎送酒！一啖串烧一口啤酒，人生一大乐事呀！
整体黎讲渔正系好有质素既居酒屋，但建议先订座因为我食得无耐已经爆场。依加仲有openrice book 台7折优惠，唔好错过！
张贴
