Plato Cafe & Bistro (彌敦道) (已結業)

每年5月又系约闺密食生日饭既时候，上次食过左敦分店返寻味，今次就返交收就去油麻地分店试下。原来系间油店入面，但地铁站一出就系，好易揾。两个女仔唔想咁heavy就点左我最爱猪手同埋一个鱼。两个都系套餐包汤同饮品，个汤系南瓜汤，配上蒜蓉包，主菜先黎左个鱼，好大块，煎到外层香脆，入面又唔会好干好散，配埋个汁仲正，啲配菜薯仔都有调味，个沙律都有沙律汁，一点都唔马虎。猪手上枱仲劲，超大份，已经起晒肉切好晒，啲肉好冧，有啲位会有焦香，啲皮都好好味唔会好肥咁。两个女仔都清得晒。最后系个心太软，即叫即做，最近成日想食甜野，呢度个心太软焗到刚刚好，仲有ice cream同cream,咁个雪糕好似无溶得咁快，最后都倾到10:30人地收工先走，呢度空间感几好，唔会好迫，所以同朋友边食边倾计都几好。