金豪酒家

营业中

休息中

一行4人去深水埗买电脑野，行完之后系附近揾晚餐。见到有间酒楼感觉干净企理好地道就去试下。入到去坐位都几阔落，餐牌有好多选择。芥辣牛柳粒，本身谂住当开胃菜点知份量大大碟。我好怕食啲好干身好靭既牛柳粒，但佢完全唔会，食落牛柳粒口感好软又重牛味，芥末味都几重，仲加左炸合桃伴碟👍🏻炸合桃超有惊喜。艳影虾球，朋友好钟意食虾就点。每嚿都好大嚿，出边嘅炸皮又薄又脆。入面系原只大虾肉，新鲜弹牙。椒盐豆腐，一口大小刚刚好。入口皮又薄又脆包住软滑豆腐口感一流！炸子鸡（半只），半集份量4个人食刚刚好，佢炸野真系值得相当出色，所以炸子鸡都冇令人失去。本身鸡肉就已经切好大大嚿，而且肥瘦适中。通菜，本身以为呢个会系最平平无奇。但餐厅嘅通菜系上枱之后先系客人面前用烧热左既热砂锅炒香！除咗保持到热度，仲好够火候。