八居酒屋 (天文臺道) (已結業)

呢条街有几间餐厅，好多人放左工都会黎呢度食野或饮野。我地去到时已经八点半，但餐厅坐满晒人，等左十分钟到先入座。餐牌上以小食居多，餐饮就有好多款，有清酒、果汁、梅酒、梳打等等。个人几中意浅尝酒水，但唔太识同唔系好饮得。觉得梅酒味无甘大，又有梅既味道，所以几中意就叫左。呢杯梅酒唔错，第一啖觉得酒度唔重，好易入口，不过愈饮愈觉有酒。冰融左一半之后无甘浓，更合我口味！呢个系我觉得当晚最最最好食既！外皮煎得好脆好香口，入面既鸡肉好热好林。食落啲鸡肉好滑，可能系捞左鸡软骨做？所以食落有啲一粒粒既脆骨，好有口感！佢配有一只蛋同酱油，酱油似烧汁，甜甜地，捞埋佢再点鸡肉串简直系正到爆！平时唔食生鸡蛋，但试左一啖之后停唔到口！推介大家一定要叫呢个！！盐烧豚肉，呢个唔平架，可能系日本入口靓豚肉关系。一大块，唔系好厚，两边位置既豚肉有少少肥肉，食落好林！中间位置较瘦，啖啖肉！虽然盐烧，但唔咸，热辣辣新鲜上枱！有三个酱可点，包拾碟上既蛋黄酱，另下图右边既麻酱同酸酸地左边既麻酱（应该系麻酱黎，唔肯定）日本蕃薯系超市卖好贵，又想试下就叫左。份量较少，真系俾你送酒食不过真系正野，唔系好甜，好好粉，外边又脆，正！因为唔