港興大飯店

营业中

休息中

早几日听人讲起呢间喺大围坐落几廿年嘅传统怀旧饭店，主打客家菜，同时也供应各类广东菜，未试过就即兴约几个朋友仔放工后搭几个站过嚟帮衬，睇完餐牌发觉种类繁多花多眼乱，最后嗌咗盐焗🐔（偷食完先记得要相机食先😂）、蛋角煲、咕噜肉同酥炸双并（春卷炸大肠），𩠌菜都好快送到台，就咁睇卖相已好吸引，食入口时全部都热辣辣，味道仲要有惊喜咁有水准，正呀，我哋仲成晚系咁叫职员冲茶添水拿公筷但啲职员都好有礼貌冇托手踭咁服务我哋，我一路食好西兼同朋友仔吹水吹足成晚，好开心同好满足，三条女食唔晒都惜食打包带走，边个话怀旧冇好嘢，真系唔试过又点会知😋！