熱記大排檔

营业中

休息中

今日朋友心情唔好，要饮酒啤一啤，行吓行吓去到热记，入到去都好多人，坐左2人枱开始点𩠌，黎到热记必叫的𩠌蜜椒鳝球～入口甜蜜蜜，爽口好味，必食鹅片拼盘～拼盘都算丰富份量多，鹅片，墨鱼，红肠，猪耳，猪肠，豆腐,可惜个卤水汁唔得，如果个卤水汁加多少少花椒，八角去煮个卤水汁会较好，浪费左个大拼盘。姜葱桶蚝煲～好似有6粒，都好食同大只，够味道，用沙煲上。椒盐鲜鱿～鲜鱿够新鲜，外层个皮唔厚粉，脆身，唔系间间做椒盐鲜鱿都好食，呢间做得唔错。如果大家想食大排档，呢间服务都唔错,价钱正常，又多选择。