THE PONT (已結業)

呢间餐厅时常经过，每次都好想试，今次同朋友食饭，佢竟然拣咗呢间餐厅，开心到不得了。门口嘅装修已经觉得好靓，入到餐厅内，简直系觉得舒服、宽敞，三五知己聚餐嘅好地方。我哋点咗一个二人餐，好抵食。有西班牙风干火腿烤菠萝（本人已经好钟意食菠萝，菠萝烤得刚刚好，又juicy)，松露忌廉牛肝菌意大利粉，白酒煮蓝青口锅，海陆滋味（牛扒大虾配薯条），鲜果雪糕杯两客，每一碟食物份量都唔细，食到我哋两个揽住个肚，真系超饱。